– Det viktigaste er å ha ein rådgjevar som kjenner meg, som eg kan stole på utan at eg slepp å forklare saka på nytt frå gong til gong. Torbjørn veit kva vi jobbar med, kva prosjekt vi har på gong og at vi har ting i orden. Det blir meir effektivt når han kjenner historikken godt, og då kjenner eg meg betre ivaretatt som kunde, seier Hauge.

Eivind Nordvik Hauge er født og oppvaksen i Florø. Etter fleire år vekke som student flytta han tilbake til kystbyen i 2008. Han gifta seg med Margrete Larsen i 2018, og dei har to gutar på fire og seks år. No jobbar han på Fjordbasen med havbruk på land, medan kona er lege.

– Vi har samla alt i Sparebanken Sogn og Fjordane; lån, forsikring og sparing. Det er veldig greitt å ha alt på ein plass. Eg har vore kunde i banken så lenge eg kan hugse, og eg blir nok verande i lang tid framover, fortel Hauge.

Før han møtte kona si, kjøpte Hauge seg leilegheit åleine etter studiane. I tillegg har familien nyleg renovert eit hus, og Hauge fortel at Torbjørn og banken var til god hjelp i begge i tilfella.

– Å vite at Torbjørn berre er ein telefonsamtale unna, gjer at banken kjennest trygg. Eg ordnar det meste sjølv i nettbanken, men på litt større ting vil eg gjerne snakke med nokon, og då får eg raskt hjelp. Ofte går det ganske lang tid mellom kvar gong vi er i kontakt, og det er heilt fint. Torbjørn er ikkje for pågåande, men følgjer opp om det er noko som er relevant, og det likar eg, fortel Hauge.

– Sjølvsagt har pris noko å seie, og der synast eg Sparebanken Sogn og Fjordane er konkurransedyktige. Og så har det veldig mykje å seie at eg føler at dei bryr seg om meg, og ikkje minst at dei bidreg og gir tilbake her lokalt. Det legg eg merke til.

Han held fram:

– Eg har venner i Bergen som er kundar i Sparebanken Sogn og Fjordane fordi dei ein dag ønskjer å flytte tilbake hit, og vil vere kunde i ein bank som støttar lokalsamfunnet her, sjølv om dei endå ikkje har flytta heim, avsluttar Hauge.