Val av innskytarrepresentantar til Generalforsamlinga

Frist for innmelding av forslag er 24. januar 2024. Send forslaga dine til leiar i valnemnda Marit Lofnes Mellingen: marit.mellingen@gmail.com. Få med kandidatnamn, fødselsår og -dato, yrke og adresse når du sender forslag. Etter at fristen er gått ut, vil valnemnda sette opp valliste med forslag til kandidatar.

Mellom dei innskytarvalde skal det i år veljast 3 medlemer og 1 varamedlem til generalforsamlinga. Desse blir valde for 4 år.

Her finn du oversikt over medlemer og varamedlemer i dag, og kven som er på val mellom dei innskytarvalde.

Kun myndige personar med bustadadresse i eitt av valdistrikta kan veljast.

Nordfjord og Volda: Bremanger, Gloppen, Stad, Stryn og Volda kommune

Sunnfjord: Askvoll, Fjaler, Kinn og Sunnfjord kommune

Sogn og Bergen: Aurland, Gulen, Hyllestad, Høyanger, Sogndal, Solund, Luster, Lærdal, Vik, Årdal og Bergen kommune

I år står følgjande på val: 2 medlemer frå Nordfjord og 1 medlem og 1 varamedlem frå Sogn og Bergen.

Som innskotskunde i Sparebanken Sogn og Fjordane kan du stemme på medlemer og varamedlemer frå alle dei tre valdistrikta, og det er ikkje krav om bestemt bustadadresse for å ha stemmerett. Dessutan har juridiske personar stemmerett. Meir informasjon om dette kjem når valdagane nærmar seg.

Valet gjeld for ein periode på fire år. Funksjonstida startar når årsoppgjeret for føregåande kalenderår er endeleg behandla og nye medlemer er valde.

Du kan stemme elektronisk. Har du registrert e-postadresse i banken, får du informasjon om dette i e-post frå oss 22. februar 2024. Juridiske personar sin fullmektig møter på eitt av bankkontora for å stemme.

Myndige innskotskundar i Sparebanken Sogn og Fjordane som har og i dei siste 6 månadene før valet har hatt eit innskot i banken på minst kr 2 500,- har stemmerett når det skal veljast medlemer til generalforsamlinga mellom innskytarane. Også juridiske personar, som til dømes aksjeselskap, lag og organisasjonar, har stemmerett. Den som vil stemme på vegner av ein juridisk person må legge fram fullmakt frå innskytaren og møte ved eitt av banken sine kontor for å stemme.

Som det øvste organet i banken er det generalforsamlinga som skal godkjenne årsrekneskapen og årsmeldinga til banken. Generalforsamlinga har også ansvar for val av leiar, nestleiar og dei andre medlemene og varamedlemene av styret, med unntak av medlemer og varamedlemer som vert valde av dei tilsette.
Les meir om dei leiande organa i banken og kva oppgåver generalforsamlinga har.