Kunderådgjevar Bedriftssenter

Bedriftssenteret består i dag av ni medarbeidarar som støttar og rådgjev bedriftskundane på banken sine produkt og tenester, og samarbeider tett med andre fagmiljø. Det er stort fokus på å førebygge kvitvasking og terrorfinansiering både nasjonalt og internasjonalt. Vårt arbeid for å avdekke og stoppe økonomisk kriminalitet er viktig, og vi i Sparebanken Sogn og Fjordane ønsker difor å styrke bedriftssenteret for å ivareta dette arbeidet framover.

Vi søker deg som likar å analysere kundedata, for å bidra til at vi har den kjennskapen vi treng for at banken ikkje medverkar til økonomisk kriminalitet. Du utfordrar oss med nye idear og nye måtar å jobbe på. Du trivst med å vere ein lagspelar, men du har også driv og engasjement i sjølvstendig arbeid.

Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, redusert arbeidstid frå mai til august, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg. Her er det korte vegar til avgjerdsler, vi hjelper kvarandre med å lukkast og det er rom for å vere seg sjølv.

Kontorstad: Førde