STUDIESENTER: Prosjektet skal danne fem nye studiehubbar langs kysten.
Publisert 1. juni 2023

2,5 millionar kroner til nytt studiesenter på kysten

Prosjektet Studiesenter Kysten er eit samarbeid mellom seks kommunar med mål om å etablere eit desentralisert studiesenter på kysten. No har dei fått 2,5 millionar kroner til satsinga.
– Pengane betyr at vi kan tilføre etterlengta kompetanse til distrikta, seier ein glad prosjektleiar, Reidar Grønli.
Studiesenteret skal nemleg bidra til å tilføre etterlengta kompetanse til næringslivet og auke attraktiviteten og bu-lysta i distrikta.

Stort samarbeid

Torsdag 1. juni deltok administrerande direktør i Sparebanken Sogn og Fjordane, Trond Teigene og direktør for bedriftsmarknad, Roy Stian Farsund på Aksello sitt frukostmøte i Florø. Der overraska dei med ei gåve på 2,5 millionar.
Pengane er gitt av Sparebankstiftinga Sogn og Fjordane, og pengane kjem frå overskotet til Sparebanken Sogn og Fjordane.
– Dette er ei viktig satsing for Sogn og Fjordane, og vil kunne auke aktivitet og rekruttering til kommunane. Det er veldig kjekt å kunne støtte dette prosjektet, seier Teigene.
Det var Aksello og Måløy Vekst som sparka i gang satsinga, etter dei undersøkte gode løysingar for ein desentralisert utdanning langs kysten. Dette førte til eit interkommunalt samarbeid mellom Høyanger, Hyllestad, Askvoll, Fjaler, Kinn og Solund.
I tillegg til midlane frå Sparebankstiftinga, fekk dei òg støtte frå direktoratet for høgare utdanning. Prosjektet er no nært å bli fullfinansiert, og skal ha oppstartmøte 14. juni. Deretter vil dei gå i gang med tilsettinga av fem tilsette som skal serve studiehubane i kommunane, forklarar Grønli.

Skal skape aktivitet for unge lovande

Teigene og Farsund hadde med seg endå ein sjekk til kystbyen. Flora U40 skal skape aktivitet og nettverksmoglegheiter for unge i næringslivet i Flora og omegn. Dei fekk 100 000 kroner til dette.
I Sogn og Fjordane finst det to slike nettverk som dukka opp i 2021 og 2022, Sogn U40 og Sunnfjord U40, som banken òg har vore med å støtte.

Sunniva Knutsen

kommunikasjonsrådgjevar908 15 045sunniva.knutsen@ssf.no

Siste frå meirennbank.no

Krisesenteret får ein halv million i gåve

– Dette er eit svært viktig tilbod for alle barna som kjem innom her, seier Anja Korneliussen.

Les heile saka
Krisesenteret får ein halv million i gåve27. mars 2024
– Her vart eg skikkeleg rundlurt!27. mars 2024
– Vi er alltid i beredskap25. mars 2024
Økonomivettreglar22. mars 2024