Fornyar mangeårig sponsorsamarbeid med Florø Fotball

– Vi ser på Florø Fotball som ein hjørnesteinsaktør i lokalsamfunnet, og vi er stolte over å støtte deira ambisiøse mål. Dette er eit mangeårig samarbeid, og vi gler oss til fleire. Avtalen understrekar at vi ønsker å vere ein aktiv bidragsytar for idretten og samfunnet vårt, seier Tore Reksten i Sparebanken Sogn og Fjordane.

Måla til Florø Fotball er i tråd med banken sin visjon om å vere ei drivkraft for Sogn og Fjordane og verdiar som er trygge, ekte, nære og engasjerte.

– Dette samarbeidet gir oss ikkje berre økonomisk støtte, men også eit verdifullt samarbeid som vil hjelpe oss med å realisere måla våre. Vi ser fram til å samarbeide tett med Sparebanken Sogn og Fjordane for halde fram å bygge eit sterkt og inkluderande fotballmiljø i Florø, seier dagleg leiar i Florø Fotball, Kim Solheim.

Florø Fotball er i dag den fjerde største klubben i Sogn og Fjordane Fotballkrets, med om lag 300 aktive spelarar. Klubben har opplevd betydeleg vekst dei siste åra, spesielt innan rekruttering av spelarar og engasjerte trenarar for barn- og ungdomslaga. Lokal entusiasme og eit stort potensial for vidareutvikling gjer FSKF til ein sterk lokal merkevare. Florø Fotball har ein tydelege visjon om å vere ei inkluderande kraft i lokalsamfunnet.

I avtalen ligg det fleire viktige satsingsområde for klubben. Florø Fotball skal framleis satse på damelaget, og har som mål å etablere eit konkurransedyktig seniorlag innan 2025. I tillegg skal dei sette i gang med spesifikke rekrutteringstiltak til dømes jentefotballdagar, skulebesøk og kompetanseutvikling for trenarar. Målet er å auke engasjementet og deltakinga blant jenter i alle aldrar.

Andre viktige satsingsområde handlar om inkludering og å hindre fråfall blant barn og unge, men også i dei eldre ungdoms- og seniorklassane. Ved å opprette Florø 3 som ein arena for ungdom og unge vaksne, har klubben allereie opplevd suksess med å halde spelarar engasjerte utan prestasjonspress. Støttetiltak som reduserte treningsavgifter og eige draktsett har bidratt til å skape ein inkluderande og pressfri fotballgruppe.

Gjennom ulike ordningar vil klubben støtte dei med økonomiske utfordringar og ønsker å redusere ulikheter mellom barn og unge ved å sikre at alle, uavhengig av etnisitet, økonomi eller sosial status, får muligheten til å delta i fysisk aktivitet.