BEST PÅ SPARING: I Sparebanken Sogn og Fjordane er det no fleire kvinnelege kundar som sparar i fond enn det er menn.
Publisert 8. mars 2023

Kvinner sparar som aldri før

I dag feirar vi kvinnedagen 8. mars. Ein stor del av likestillingskampen er økonomi, og Sparebanken Sogn og Fjordane erfarer at dei kvinnelege kundane sparar meir enn før.

Størst auke i fondssparing

Det er fleire måtar å spare på; på sparekonto eller igjennom fond eller aksjar. Historisk sett har trenden vore at kvinner har spart mest på konto, medan menn i høgare grad har spart i fond og aksjar.
Dei siste åra har Sparebanken Sogn og Fjordane registrert ein endring i dette.
Frå januar 2021 til januar 2023 auka kvinner fondssparinga si med 46 prosent, medan menn auka med 31 prosent i same periode.
Dette er ein viktig del av likestillingskampen, meiner direktør for privatmarknad Linda Vøllestad Westbye.
(Artikkelen held fram under.)
– Det at vi kvinner tar ansvar for vår eigen sjølvstendige økonomi er viktig. Sjølv om kvinner framleis i snitt tener mindre enn menn, er det svært viktig at vi som kvinner tar aktive grep for å sikre ein sjølvstendig økonomi no og i framtida. Det at vi sparar aktivt vitnar om ei bevisst forhold til sin eigen økonomisk situasjon, seier ho.

Flest spareavtalar

I tillegg til talet kundar med fondskonto, har Sparebanken Sogn og Fjordane sett på talet kundar med spareavtale i fond. Ein spareavtale er ein fast sum som blir spart kvar månad.
Også her har kvinnelege kundar gjort framsteg. I løpet av dei siste to åra har kvinner oppretta nesten dobbelt så mange spareavtalar enn menn. Det er færre mannlege kundar som har fondskonto, men dei har i sum tent opp meir på konto enn kvinnene har.
Det mest vanlege sparebeløpet for kvinner er 1000 kroner i månaden, medan gjennomsnittet ligg på 1900 kroner i månaden.

Ta enkle grep – start sparinga

Vøllestad Westbye rår alle til å spare, enten det er på sparekonto eller i fond.
– Å spare litt er betre enn ingenting. Start smått og set opp eit fast trekk i månaden, og så kan du enkelt auke opp i mobilbanken om du får høve. Det viktigaste er å tenke langsiktig. Pengar du sparar i dag kan du bruke på det du drøymer om i framtida.
Har du spørsmål om sparing må du ikkje nøle med å kontakte kunderådgjevaren din eller kundesenteret vårt.
Gratulerer med kvinnedagen!

Sunniva Knutsen

kommunikasjonsrådgjevar908 15 045sunniva.knutsen@ssf.no

Siste frå meirennbank.no

Krisesenteret får ein halv million i gåve

– Dette er eit svært viktig tilbod for alle barna som kjem innom her, seier Anja Korneliussen.

Les heile saka
Krisesenteret får ein halv million i gåve27. mars 2024
– Her vart eg skikkeleg rundlurt!27. mars 2024
– Vi er alltid i beredskap25. mars 2024
Økonomivettreglar22. mars 2024