I løpet av sommaren skjer det mykje rundt om i Sogn og Fjordane. Her finn du oversikt på dei arrangementa vi er og med og støttar, og på fleire av desse kan du møte oss og maskotane Kåre Bjørn og Elin Ekorn.
Rock Weekend 11. - 13. juli
Rock Weekend er ein årleg musikkfestival som har blitt arrangert på Iglandsvik i Ytre Bremanger sidan tidleg 80-talet. Med konsertar på Havlys intime klubbscener får ein oppleve artistane svært tett på.
Ein havsportfestival i Florø der du verkeleg kan få prøve deg i det våte element. Aktivitetane passar for ulike aldrar; Våt Moro Barnepark for dei aller minste, Ung Ekstrem for dei mellom 12-16 år, og i tillegg ulike aktivitetar for unge og vaksne over 16 år.
I Askvoll blir det varierte aktivitetar for store og små. På programmet i år finn du blant anna rib båt, marknad med stands, veteranbilparade, barnas dag og konsertar.
Vi er stolt generalsponsor for rockefestivalen på Nordfjordeid. Det blir to dagar med store konsertopplevingar, konkurransar og ein fantastisk Malakoffcamp.
Nokre av Norges største artistar er klare for å lage fest og moro i to dagar i Florø. I år kan du blant anna få med deg Cir.Cuz, Halva Priset og Kjartan Lauritzen.
Syril IL inviterer til fotballskule i samarbeid med Tine og Norges Fotballforbund. Vi gler oss til å sjå fotballglede for små og store mellom 7 og 12 år.
Eit vakkert fotballeventyr for dei minste som vi arrangerer i samarbeid med NFF Sogn og Fjordane. Turneringane føregår frå mai til september og blir arrangert på ulike stader i Sogn og Fjordane. Kåre Bjørn og Elin Ekorn besøker fleire av turneringane, det blir kjekke aktivitetar og mykje fotballglede.
Løpet går frå Rivedal i Askvoll kommune til Dale sentrum i Fjaler kommune. Ingolf Arnarson var frå Rivedal og i år 874 segla han til Island og busette seg der. I dag står statuen av han i Rivedal, og derifrå til Dale sentrum er det akkurat èi mil.
Som sponsor for Sunnfjord Golf inviterer vi til ein kjekk dag med konkurransar og aktivitetar som passar både for deg som er aktiv spelar og for deg som ikkje har prøvd golf før. Det blir i tillegg servering av grillpølser og drikke.
Heilt sidan 90-talet har det blitt arrangert sildebord i Florø. I dag er det blitt verdas lengste sildebord, og det blir dekka opp med omlag 350 meter bord gjennom Florø sentrum. På menyen står det eit rikt utval av ulike silderettar.
Ein folkefest i Florø med laks i fokus. Her blir det konsertar, kokkelering og andre gratis aktivitetar for store og små. Heile laksenæringa frå fylket er på plass og syner fram rensefisk i byakvariet, båtar og oppdrettsutstyr, og det vert servert meir enn 5000 spennande nye lakserettar.
Vi er mangeårig støttespelar for framsyninga av denne historiske forteljinga om då reformasjonen kom til Norge i 1537. Dette er teateret ved havet, der naturen og landskapet spelar med; ei unik oppleving som gjer at mange kjem igjen som publikum år etter år.
Her kan heile familien nyte eit spektakulært show i Trivselshallen på Sandane. Danske turnarar i verdsklasse kjem til Sandane og Hyen for å halde workshops, foredrag og show.
Måløydagene har i over 40 år vore eit samlingspunkt på sommaren. I år blir det blant anna tivoli, opptog, Maskedrama, konsertar, loppemarknad og mykje anna underhaldning.
Fanøy ligg i øygruppa Batalden, ytst i havgapet utanfor Florø, med om lag 60 fastbuande. Lenger vest ligg det opne hav, og i nord og sør ligg prektige fjell som reiser seg opp frå havet. Her kan du oppleve ein unik festival med naturen tett på.
Velkomen til Årdalsmarknaden på torget i Øvre Årdal. Bedrifter og organisasjonar i Årdal held sal- og informasjonsstandar og aktivitetar for borna. IL. Jotun og ÅTIL står for sal av grillmat.
Vi er stolte over å vere hovudsponsor for Skandinavias største internasjonale festival for akustisk folkemusikk og verdsmusikk. På familiedag på søndagen stiller vi med kjekke aktivitetar og konkurransar for store og små.
Ta med deg heile familien og nyt ei marknadshelg i Aurland. God musikk og underholdning frå scena, god mat samt herleg stemning vil gjere helga til eit av sommarens høgdepunkt for heile gjengen.
Langs sørsida på Jølstravatnet kan ein delta på maraton, halvmaraton, 10 km og 5 km. Løpet er ein fast tradisjon kvar sommar, og vi gler oss til å sjå små og store denne dagen.