Konsulent kredittstøtte
Banken har 63 milliardar i utlån, og avdeling Kredittstøtte er ei sentral brikke i å sikre at alle lånedokument er på plass og at utbetaling av lån skjer til rett tid. Avdelinga har i dag 12 dedikerte tilsette med høg fagkompetanse. Sparebanken Sogn og Fjordane er no på utkikk etter ny konsulent kredittstøtte til hovudkontoret vårt i Førde.
Du vil få jobbe med kontroll, produksjon og endring av lånedokument mot person- og bedriftsmarknad, samt støtte banken sine kunderådgjevarar. Med bakgrunn i den teknologiske utviklinga innan finansnæringa er Kredittstøtte i stadig omstilling med fokus på automatisering, smarte arbeidsprosessar og bruk av nye løysingar.
Arbeidsoppgåver vil i hovudsak omfatte:
- Kontroll og produksjon av låne- og sikkerheitsdokument
- Utbetaling av lån\kredittar
- Endring på eksisterande lån
- Vedlikehald depot
Til stillinga søker vi deg som
- Har minimum tre års relevant høgare utdanning. Relevant erfaring kan kompensere for utdanningskravet
- Har interesse for finansielle produkt og tenester og gjerne kredittfaglig kunnskap
- Har god digital kompetanse og evne til å utnytte tilgjengelege system på ein effektiv måte
- Er nøyaktig og kan arbeide sjølvstendig
- Har gode samarbeidsevner og er serviceinnstilt
- Har god munnleg og skriftleg framstillingsevne
Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, redusert arbeidstid frå mai til august, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg.
Her er det korte vegar til avgjersler, vi hjelper kvarandre med å lukkast og det er rom for å vere seg sjølv.
Arbeidsstad: Førde
Om du ønsker meir informasjon om stillinga kan du kontakte leiar kredittstøtte, Torje Hirth på tlf. 922 83 508.
Vi ser fram til å høyre frå deg!