Slik kan du få kontroll på økonomien i haust

Det første steget er å lage eit budsjett. Ta utgangspunkt i inntektene dine og set opp faste utgifter som husleige, straum, mobilabonnement og mat. Prøv å sette av litt pengar til sparing, og ikkje gløym å sette av litt ekstra til uventa utgifter som kan dukke opp.

Skal du inn på utleigemarknaden, er det vanleg å betale eit depositum på nokre månaders leige. Det er viktig å passe på at desse pengane blir sett inn på ein depositumskonto i banken, og ikkje går direkte til utleigar. Dette sikrar at pengane er trygt plassert, og at dei berre kan nyttast i samsvar med leigekontrakten. Når du flyttar ut vil depositumet bli tilbakebetalt dersom bustaden er i god stand.

Når ein startar på ein ny stad, kan det vere lett å la seg freiste av å kjøpe alt nytt. Sjå etter bruktalternativ for møblar og utstyr til hybelen eller leilegheita. Det finst mange nettstader og lokale grupper på sosiale medium der du kan finne gode tilbod. Er du student kan det vere lurt å sjekke ut studentrabattar på alt frå kollektivtransport til treningssenter.

Mat kan fort bli ein stor utgiftspost. Planlegg måltida dine og lag handlelister. Det er ofte billegare å handle på ein daglegvarebutikk med låge prisar og å kjøpe varer på tilbod. Lag gjerne mat frå botnen og unngå ferdigmat, då dette både sparar pengar og ofte er sunnare.

Kredittkort og forbrukslån kan vere freistande, men prøv å unngå å bruke pengar du ikkje har. Betal alltid rekningane dine i tide for å unngå renter og gebyr. Om du har lån, kan det vere lurt å sjå på moglegheita for å refinansiere for å få betre vilkår.

Sjølv om økonomien kan vere stram, er det lurt å starte sparinga tidleg. Sett opp ein fast spareavtale, sjølv om det berre er ein liten sum kvar månad. Over tid vil det kunne utgjere ein stor forskjell. Ein bufferkonto kan vere nyttig for uventa utgifter, og det gir deg tryggleik i kvardagen. Opprett småsparing, så sparer du eit lite beløp kvar gong du bruker kortet ditt, heilt utan at du merker det. Små beløp kan til slutt bli noko større.

Om du bur saman med andre, kan de gå saman om å dele på utgifter. Dette kan gjelde alt frå matinnkjøp til felles straum- og internettabonnement. Slik kan de begge spare pengar og unngå dobbelt opp av kostnader.

Vi ønsker deg lykke til og god haust.