Arrangement med banken i vår

Stryn Visefestival er ein intimfestival for deg som er glad i god formidling og vakker musikk. I år kan du blant anna få med deg Maria Haukaas Mittet, Unni Wilhelmsen og Thom Hell.

Amerikansk fotball innandørs på sitt aller beste! VGS-kampen mellom Bears og Eagles har blitt ein snakkis som trekker fulle hus i Førdehuset. Her blir det cheerleading, dans og rå muskelkraft. Konferansier for kampen er Leo Ajkic.

25 musikarar frå Ukraina skal på Norgesturne der dei m.a. skal besøke Førde, Bergen og Haugesund. Turneen samlar inn pengar til Mobile Naudhjelpsklinikkar som er bygde på tilhengarar som lett kan flyttast dit dei trengs mest i krigsområda. Dei ukrainske musikarane som er med på å finansiere desse naudhjelpsklinikkane, kjem til Førde kyrkje 12. april kl. 18:00. Instrumentet bandura er eit spesielt heilagt instrument for ukrainarane, og det blir brukt i motstandskampen no. Alle billettinntekter går uavkorta til å produsere Mobile Naudhjelpsklinikkar.

Eldsjelene i Stardalen i Jølster arrangerer sine årvisse Bygdenæringsdagar 20. og 21. april. Her blir det blant anna sleggekonkurranse, gravemaskin-simulator, lotteri, ansiktsmaling, god mat og mange flotte utstillarar. På kveldstid blir det i tillegg show og konsert med Olav Stedje og Finn Tokvam.

Breimstafetten er eitt av dei eldste idrettsarrangementa i Sogn og Fjordane og samlar kvart år fleire hundre utøvarar i alle aldrar. Breimstafetten blir omtala som vårens vakraste eventyr, og vi gler oss å vere med på gjennomføringa av den 84. stafetten.

Olden Idrettslag inviterer til den 68. Oldestafetten. Dette er ein tradisjonsrik terrengstafett som vart skipa i 1955. Stafetten har endra seg med tida og består no av klassane "gutar", "jenter", "open klasse", "veteran", "damer" og "herrar". Stafetten har også ein ministafett for born mellom 6-10 år.

Velkommen til årets første turneringsdato 5. mai, og vidare utover våren og sommaren. Vi gler oss til eit vakkert fotballeventyr for dei aller minste. Turneringane blir arrangert i samarbeid med NFF Sogn og Fjordane som vi er hovudsponsor for.

Fotballkampen mellom Førde og Florø 16. mai er for mange blitt ein fast tradisjon dagen før nasjonaldagen. I fjor tapte Førde, klarer dei revansje i år? Møt opp på Florø Stadion og få svaret.

Karusellritt i Florø sentrum. Meir informasjon kjem seinare.

Meir informasjon kjem seinare.