![](https://cdn.sanity.io/images/5rz6wn2n/production/e8b22a5b2b9fe3808bb8a46a168b513fbd0a07d1-2319x1111.jpg?w=2319&h=1111&auto=format)
– Eg trudde alle stipenda var delt ut
– Før kampen mot Førde i helga hadde eg sjekka nettsida til Sparebanken Sogn og Fjordane, og såg at det var delt ut åtte Furorestipend i år. Då slo eg frå meg tanken på at eg kunne få stipend i år. Derfor vart eg tatt på senga då namnet mitt vart ropt opp i Øyrane Arena laurdag, smiler Øystein Løken Bergum.
28-åringen frå Førde søkte for første gang i år om Furore-stipendet, og vedgår at då banksjef for privatmarknaden i Sparebanken Sogn og Fjordane, Lars Solnørdal, ba han komme fram på bana i pausa mellom andre og tredje sett, så forstod at han var tatt på senga.
– Ja, då vart eg tatt på senga, men det var desto kjekkare å få stipendet på den måten. Når vi på Koll dessutan er det første laget som har slått Førde i år, så vart det ein stor dag, smiler førdianaren som i ein lekk i si eiga karriere skifta frå Førde til Koll for nokre sesongar sidan.
Flytta til Oslo
– Etter at eg hadde studert ferdig, så flytta eg frå Førde til Oslo. Her har eg fått meg jobb i Multiconsult, og forloveden min spelar også volleyball, på Koll sitt damelag. Så akkurat no er det lite sannsynleg at vi flyttar til Førde med det første. Men kven veit om framtida, ler 28-åringen som spelar libero på Koll sitt topplag. Dei slo altså Førde på laurdag, og skal også spele cupfinale i januar månad.
– Eg valde å spele for Koll då det også er fleire tidlegare Førde-spelarar på laget, og laget er også det beste i Oslo. For eg skal vel ikkje leggje skjul på at etter at eg har fått orden på skadeproblematikken min, så har eg ambisjonar på det norske landslaget, seier førdianaren etter at sjekken på 50 000 kroner er motteke.
Mot EM
– Dei siste landskampane i dei siste åra har eg spelt mesteparten av tida, og er nok ganske fast på laget. No blir det EM-kvalik til sommaren 2024 og sommaren 2025 med tanke på å kvalifisere seg til EM i 2026. Det er ikkje til å leggje skjul på at det er målet, seier førdianaren og takkar audmjukt for stipendet.
– Det var utruleg overraskande å få stipendet når eg no var på snartur heimom rett føre jul. Dette er motiverande med tanke på vidare satsing på volleyball, avsluttar årets siste Furorevinnar.
Til jubel
Furorestipendet er gitt av Sparebankstiftinga Sogn og Fjordane, og pengane kjem frå overskotet til Sparebanken Sogn og Fjordane. Furorestipendet er stiftinga sitt personlege stipend til framifrå ungdom (15 til 30 år) i kategoriane kultur, idrett og «opa klasse». Stipendet er på 50 000 kroner.
– Det var utruleg kjekt å gje Furorestipendet til Øystein Løken Bergum. Og sjølv om han spelar for oslolaget Koll for tida, så var jubelen frå innpå eit halvt tusen sunnfjordingar på tribunene eit teikn på at dette var ein verdig, og lokal, vinnar av Furorestipendet, seier Lars Solnørdal etter utdelinga.
Siste frå meirennbank.no
![](https://cdn.sanity.io/images/5rz6wn2n/production/74974816e7d5ecff6093dac599749d353f42a80e-4536x3018.jpg?w=4536&h=3018&auto=format)
20 millionar kroner til turstiar i heile Sogn og Fjordane
Takka vere pengar frå overskotet til Sparebanken Sogn og Fjordane skal DNT Sogn og Fjordane satse på friluftsliv i nærområdet og gjere kommunane meir attraktive å bu i. Målet er å utvikle nærturmoglegheitene i kvar kommune.
20 millionar kroner til turstiar i heile Sogn og Fjordane6. september 2024
– Jobben som vert lagt ned er viktig for mange!30. august 2024
Banken har selt seg ut av Frende27. august 2024
Slik får du kontroll på økonomien i haust20. august 2024