![](https://cdn.sanity.io/images/5rz6wn2n/production/34f28ed6701ae83703913217ce8c02218f418575-4032x1544.jpg?w=4032&h=1544&auto=format)
No blir det betre tursti på Atløy
Fjelltrimgruppa i Atløy IL får 70 000 kroner i gåve til å lage tursti ved Tvibergsundet. No står dugnadsgjengen klare å sette i gang arbeidet i løpet av våren.
– Vi ser behovet for å tilretteleggje for fleire turstiar og møtestader som kan nyttast av turgåarar i alle aldrar. Friluftslivet er ein viktig del av folkehelsa og ein uformell møteplass, seier Vårdal.
I sommar stod friluftscampen klar. Der er det mogleg å henge opp hengekøyer, det er tilkomst frå kajakk og sti, og det er plass til å slå opp telt. No er målet å gjere framkomsten endå betre og senke terskelen for å kome seg ut. Stien skal gå frå Herland til Tvibergsundet.
– Atløy har ein unik og mangfaldig natur med sentral plassering på vestlandskysten. Vi har mange turstiar til flotte fjelltoppar på Atløy og nokre turstiar i «låglandet».
Kunderådgjevar Linda Vilnes fekk æra av å overrekke pengegåva på 70 000 kroner.
– Det er kjekt å bidra til dette populære turområdet. Å få ein breiare sti ut hit, gjer at endå fleire kan bruke naturen, seier ho.
Pengane kjem frå overskotet til Sparebanken Sogn og Fjordane som Sparebankstiftinga Sogn og Fjordane forvaltar.
– Planen framover er også å etablere ein padlehuk, men det blir eit eige prosjekt seinare, fortel Vårdal.
– No gler vi oss til å samle dugnadsgjengen. Vi er gode på dugnad her ute, det er lett å få folk til å stille. Det er veldig sosialt, og det er kjekt å sjå resultat av alt vi får til, seier Vårdal.
![](https://cdn.sanity.io/images/5rz6wn2n/production/a05d4bb86450c3af75587e834cbd7d2928af2e64-648x648.jpg?w=85&h=85&auto=format)
Siste frå meirennbank.no
![](https://cdn.sanity.io/images/5rz6wn2n/production/beb5d5e96a427dfc6b2118b5176ca42a774a56c4-1880x720.jpg?w=1880&h=720&auto=format)
Positiv inflasjonsutvikling – kva betyr det for deg?
Onsdag vart inflasjonstala for juni presentert. – Dette er gode nyheiter, seier Arne Sæterbakken, leiar for finans i Sparebanken Sogn og Fjordane.
Positiv inflasjonsutvikling – kva betyr det for deg?10. juli 2024
Ørjan takkar lokalfolket – no kjem dei i mål!2. juli 2024
– No får vi eit komplett anlegg1. juli 2024
Ein halv million til Harpefossen Skisenter27. juni 2024