Slik tar du vårsjekken på økonomien din

Første steg på vegen mot økonomisk suksess er å få oversikt over inntekter og utgifter. Sett opp eit budsjett som viser kor mykje pengar du har å rutte med kvar månad, og korleis desse pengane blir fordelt på ulike utgifter som mat, husleige, straum, og sparing.

Ta ein kritisk gjennomgang av alle dine faste utgifter. Kan du få ein betre avtale på forsikringane dine? Er det mogleg å senke kostnadane på abonnement og medlemskap du ikkje lenger nyttar? Ved å reforhandle eller kansellere unødvendige utgifter kan du spare ein god slump kvar månad.

Våren er ein god tid for å sette seg eit mål om å betale ned gjeld. Start med å fokusere på gjeld med høge renter, som kredittkortgjeld. Ved å redusere gjelda di, reduserer du også den totale kostnaden over tid.

Gå gjennom spare- og investeringskontoane dine. Er sparinga di på rett spor med tanke på måla dine? Vurder å justere sparemåla dine eller investeringsstrategien din om nødvendig. Sjekk også om det er mogleg å auke spareandelen din.

Ingen veit kva framtida vil bringe, så det er viktig å være førebudd på uventa utgifter. Sett opp ein bufferkonto for å takle plutselege hendingar som bilreparasjonar eller tannlegekostnader. Å ha ei økonomisk pute å falle tilbake på kan gi deg tryggleik og ro i sinnet.

Har du gjort unna vårsjekken på huset ditt, både innvendig og utvendig, har du kanskje kome over ting i skapet og boden som ikkje er i bruk lenger. Sel unna det du ikkje bruker, som andre kan få glede av. Mange små salsbeløp, kan fort bli ein hyggeleg sum på kontoen.

Gira på sol og sommar? Bestiller du ferien med kredittkortet har du gratis reise- og avbestillingsforsikring når meir enn 50 % av reisa er betalt med kortet. I tillegg får du cashback noko som kan bidra til å redusere feriekostnadene. Og så er det lurt å betale ned kredittkortrekninga i tide for å unngå rentekostnader.

Bruker du BankID med kodebrikke eller BankID på mobil? BankID-appen erstattar BankID på mobil, og er enklare og tryggare i bruk enn kodebrikka. Last ned appen i dag og kom i gang.

Med desse enkle stega kan du ta kontroll over privatøkonomien din. Så kvifor ikkje starte våren med å ta ein grundig sjekk på økonomien din i dag?