EIT STEG NÆRARE: Eikefjord Grendalag er 300 000 kroner nærare ny samlingsplass i bygda etter å ha fått gåve frå Sparebankstiftinga Sogn og Fjordane. Her med Ole Aukland, banksjef i regionen (t.v) og Inger Merethe Høydal (t.v).
Publisert 16. november 2022

Eit steg nærare ny samlingsplass i Eikefjord

Eikefjord Grendalag har lenge hatt ønske om å få til ein ny samlingsplass på Salmontunet i sentrum. No er dei 300 000 kroner nærare å nå målet.
–Denne gåva betyr veldig mykje for oss. Ikkje minst at Sparebanken Sogn og Fjordane har trua på prosjektet. Det gir oss meir drivkraft til å køyre prosjektet vidare, seier styreleiar i grendalaget, Silje Fraas Øren.
Gåva er gitt av Sparebankstiftinga Sogn og Fjordane, og pengane kjem frå bankoverskotet til Sparebanken Sogn og Fjordane.

–Ein møteplass

Ideen om å bygge ny samlingsplass på Salmontunet, vart framstilt for innbyggarane i fjor. Då fekk dei kome med innspel om kva dei ønsker staden skal innehalde.
Badestranda i bygda er veldig populær, men ein manglar ein plass å setje seg ned og ein plass ein kan arrangere aktivitetar, forklarar Øren.
–Dette skal bli ein plass for bygda, men òg for tilreisande. Med beliggenheit midt i sentrum, vil det bli ei perle av ein plass. Vi håpar at han vil vere populær heile året, for alle mellom 0 og 100 år.
Målet er å få på plass ei overbygd scene, ein gapahuk, ei tribune og leikeapparat. I tillegg til sitjeplassar der ein kan samlast.

–Vi har trua

Med på overrekkinga var Ole Aukland, banksjef for privatmarknad i regionen.
Han er mektig imponert over dugnadsanden i bygda og grendalaget.
– Dette vert eit fyrtårnprosjekt for Eikefjord, og det er imponerande å sjå kva ein kan få til når ein jobbar saman. Så då håper eg vårt bidrag på 300.000 kroner i denne omgang, kjem godt med. Vi har trua på dykk, og det kan vere meir midlar å hente frå oss, seinare i arbeidet, seier Aukland etter at gåvesjekken er overlevert, seier han.

Siste frå meirennbank.no

Klart for jul på barneavdelinga

Det var gåvedryss då store delar av næringslivet i Sunnfjord var samla til frukostmøte i banken i Førde. Totalt 580 000 kroner vart delt ut.

Les heile saka
Klart for jul på barneavdelinga 1. desember 2022
Desse elevane dyrkar sine eigne grønsaker29. november 2022
Vil rekruttere fleire som Kristin25. november 2022
– Målet vårt er at besøkande skal bli tryggare i naturen24. november 2022